Kosmorama 2020

For tiande gong vitja eg Kosmorama Trondheim internasjonale filmfestival. Han blei skipa måndag 2. til sundag 8. mars. Dette er tredje året på rad at festivalen gjekk på Prinsen kinosenter.

Eg budde sjølvsagt på Comfort Hotel Park. Dette hotellet ligg berre eit hønskrev unna kinosenteret. Frå hotellvindauget mitt kunne eg sjå døra til fleire av kinosalene. I år tok eg fly, for fyrste gong på mange år. Det var nemleg ingen sovekupear ledig toget, og eg har gjort reisa så mange gonger no at eg vil ikkje betale fullpris for å sitje som sild i tønne på nattoget.

Under festivalen gjekk det an å kjøpe seg mat i foajeen. Cafe Ni Muser stod for dette. Det var ein variert meny med påsmurt-mat, kaker og buffet med varm suppe. Det var også sal av Kosmorama-pils frå bryggeriet Austmann både her, på festivalbaren på hotellet og inne i sal 2 på kveldstid.

I år såg eg 34 filmar. Heile åtte av dei var frå Frankrike, med USA og Noreg kom på andre- og tredjeplass. Eg såg fem dokumentarar i løpet av veka, men ingen animasjonsfilmar i år. Den eldste filmen eg såg var frå 2011 og den lengste filmen var på 2 timar og 18 minutt.

Mine favorittar:

• The Peanut Butter Falcon
• The Gangster, The Cop, The Devil
• The Farewell
• 13 måneder

Twitter-tråd med dei fyrste reaksjonane til filmane eg såg: https://twitter.com/SimonBoba/status/1234466913805312002