Merknad: Dette innlegget er fleire år gammalt. Informasjonen kan vere utdatert.
Dæven døtte! No er det heile ti år sidan me gjekk inn i år 2000, pluss/minus eit par timar. Ti år sidan totusentalet (eller nullnulltalet, som dei liker å seia i media) starta, det tiåret me med skrekk (Y2K) og von (flygebilar) venta på. Ikkje mykje av det me trudde skulle henda hendte. Eg er til dømes dritskuffa over at me enno ikkje har fått kommersielle selskapsreiser til kuppelbyar på Månen og Mars, eller at androidar ikkje er vorte ein integrert del av kvardagen vår… Men me har alltids 2010-åra! Same kva, me kunne i alle fall kosa oss med film. Masse film. I følgje IMDb PowerSearch, har eg sett 634 filmar frå dette tiåret.
Eg kunne sikkert ha ramsa opp alle dei 634 filmane her, men det ville vore eit veldig keisamt innlegg. Eg lyt difor kanskje avgrensa meg litt. Ei oppsummering av tiåret, med både gode og dårlege filmar. Du finn dei fordelt på fleire sider.
År for år
Eg har nok sett mest kommersielle filmar i tiåret som gjekk. Eg fylte femten i år 2000, og det er ein alder der det er farleg å ha ein eigen filmsmak. Dei seinare åra har det vorte litt meir variasjon, men brorparten har typisk vore amerikansk blockbusters. Ein og annan ikkje-amerikansk har det sjølvsagt vore. Her er eit lite utval filmar, av varierande kvalitet og opphavsnasjon, sortert på år:
| 2000 | Wo hu cang long, Wonder Boys, Detektor, X-Men, Requiem for a Dream |
|---|---|
| 2001 | Moulin Rouge!, Das Experiment, Not Another Teen Movie, Elling, Ghost World |
| 2002 | Kroppen min, Gamle mænd i nye biler, Star Wars: Episode II – Attack of the Clones, Punch-Drunk Love, Spider-Man |
| 2003 | Oldboy, Smala Sussie, Freddy vs. Jason, Salmer fra kjøkkenet, Terminator 3 |
| 2004 | Dawn of the Dead, Uno, Shaun of the Dead, Hawaii, Oslo, Sky Captain and the World of Tomorrow |
| 2005 | Star Wars: Episode III – Revenge of the Sith, Brokeback Mountain, Thomas Hylland Eriksen og historien om origamijenta, Grizzly Man, Corpse Bride |
| 2006 | Den brysomme mannen, Gymnaslærer Pedersen, Emmas Glück, Casino Royale, Snow Cake |
| 2007 | The Simpsons Movie, Tatt av kvinnen, Death Proof, Live Free or Die Hard, Ploy |
| 2008 | Kautokeino-opprøret, Mamma Mia!, Fatso, WALL·E, Star Wars: The Clone Wars |
| 2009 | Død snø, Watchmen, Drag Me to Hell, The Boat That Rocked, Los abrazos rotos |
Mange minner, på godt og vondt. Og apropos vondt, sjekk ut neste side!
5 comments
Skip to comment form
Eg hugsar ikkje Vømmøl-scena i Gymnaslærer Pedersen. Kva hende då? Men Folque-scena (med Reinlender) er veldig minneverdig!
Kule lister forresten.
Veldig moro! Eg må nok sjå eit par av desse du hev tilrådd som eg enno ikkje hev fengje sett, ja.
Author
Takkar, båe to.
Ola: Pedersen treff Skåtøy på marknaden. Ho har kjøpt den nye plata til Vømmøl. Dei fer heim til henne for å lytta til den.
Odin: Ja, det lyt du! Men som alltid med listene mine, er dette sjølvsagt berre mi subjektive meining. Eg hevdar ikkje at dette er dei definitive listene, det beste av det beste, men snarare mine favorittar. Vil gjerne høyra kva du – og alle andre som les dette – tykkjer om dei, og om de har framlegg til andre titlar som de meiner passar betre.
Author
Denne veka vakna me opp til at noko grueleg fælt hadde hendt. IMDb hadde endra på/fjerna PowerSearch. Dette av di den gamle varianten innehalda mykje feil, t.d. at TV-seriar ikkje vart ekskludert viss du valde dette. No skal slike feil vera ordna. Og det er jo fint. Problemet er berre at dei har fjerna ein av dei aller, aller viktigaste funksjonane i PowerSearch, nemleg høve til å søkja i Vote History. Er du som meg, med over 1300 titlar merka av hjå IMDb, er høvet til å velja å søkja blant berre titlar eg har sett eller berre titlar eg ikkje har sett uvurderleg. Dette var stort sett det einaste eg nytta PowerSearch til (t.d. finna ut kor mange filmar med Bruce Willis eg har sett. Eller, som under førebuinga til dette innlegget, kva filmar frå 2000–2009 innan t.d. sjangeren science fiction eg hadde sett). Dette er stort sett den einaste grunnen til at eg gjev karakterar til filmar på IMDb. Utan høve til å søkja i dei på dette viset, har det ingenting for seg lenger å gje karakterar og dimed merka dei som sett. Skikkeleg låkt gjort, IMDb!
Author
Endeleg er det mogleg å søkja i røystene sine att. Diverre ikkje ein fullgod erstatning av den gamle PowerSearch, men godt på veg. Eg viser deg korleis i innlegget Lengje leve PowerSearch.